RFA HABARI-1000jioni-22-02-2012

Shirika hilo lenye makao mjini Vienna limesema katika tamko kwamba Iran imelikataa ombi la ujumbe wa shirika hilo la kuitembelea sehemu ya kijeshi  Ziara ya ujumbe wa Shirika hilo la Umoja wa Mataifa ni  ya pili kufanyika nchini Iran mnamo kipindi cha mwezi mmoja.

Lengo la ziara hiyo lilikuwa kuitaka Iran iuzingatie wasi  wasi uliopo katika nchi za magharibi kwamba yumkini mpango wake wa nyuklia unalenga shabaha ya  kuunda silaha za nyuklia.

Lakini Iran inadai kwamba mpango wake unalenga shabaha za amani tu.

DW

Majeshi ya serikali ya Syria yameendelea kuwasaka   wapinzani kwa njia za kikatili,katika mji wa kati wa Homs.

Watu wasiopungua 100 wameuawa katika mji huo na  katika vijiji vilivyovamiwa kwenye jimbo la Idib karibu  na Uturuki.

Taarifa hizo zimetolewa na wanaharakati wa upinzani.

Hata hivyo ni vigumu kuzithibitisha kwa sababu serikali ya Syria imewapiga marufuku waandishi wa habari kutoka nje kuripoti nchini humo.

Wakati huo huo Kamati ya Kimataifa ya Msalaba Mwekundu inajaribu kuzileta pamoja pande za serikali na wapinzani ili zikubaliane juu ya kusimamisha mapigano japo siku kwa siku, ili iwezekane kutoa misaada ya kibadamu. kwa wahitaji.

Leo Makatibu Wakuu wa Umoja wa Mataifa na Jumuiya ya nchi za Kiarabu wanatarajiwa kukutana mjini London kujadili uteuzi wa mjumbe maalumu wa  atakaeuongoza ujumbe wa nchi za kiarabu  utakaoyafuatilia matukio ya nchini Syria.

Wakati huo huo utawala wa Rais Obama umesema unatafakari uwezekano wa kuwapa silaha wapinzani  wa nchini Syria.

DW

Akiwasili kwa mazungumzo na mawaziri wa fedha kuutafakari mpango huo wa euro bilioni 230 sawa na dola bilioni 300, Venizelos amesema ana matumaini ila wanachokihitaji ni idhini kutoka kanda inayotumia sarafu ya euro.

Ameongeza kusema kwamba serikali ya Ugiriki iko tayari kuanzisha mchakato huo kwa kuanzia na kufutwa kwa madeni ya dhamana za serikali zilizokuwa zikishikiliwa na sekta binafsi.

Akijiunga na mawaziri 17 wa kanda ya euro katika mazungumzo hayo Mkuu wa Shirika la Fedha la Kimataifa IMF Christine Lagarde amepongeza juhudi za Ugiriki na kusema kwamba sasa lazima kazi hiyo iendelezwe.

Waziri Mkuu wa Ugiriki Lucas Papademos anajiunga na mawaziri hao wa fedha kwa mazungumzo hayo ambapo kwayo wataalamu wa serikali yake wanataraji kuidhinishwa na washirika wenzao wanaotumia sarafu ya euro kwa mpango wa mkopo wa kuepusha kufilisika kwa Ugiriki.   

DW

Viongozi wa kisiasa nchini Ujerumani wamemchaguwa mwanaharakati wa haki za binadamu Joachim Gauck kuwa mgombea wao wa pamoja wa wadhifa wa Urais ambao ni wa heshima nchini Ujerumani.

Kansela Angela Merkel amesifu kujizatiti kwa Gauck katika maadili ya uhuru na uwajibikaji.

Gauck mwenye umri wa miaka 72 amesema lengo lake kuu katika wadhifa huo wa urais litakuwa ni kuwashajiisha wale waliokuwa wako  tayari kuwajibika katika jamii.Alikuwa mgombea wa upinzani wa chama cha Social Demokrat na chama cha Kijani katika wadhifa huo wa urais hapo mwezi wa Oktoba mwaka 2011 sanjari na rais aliyejiuzulu hivi karibuni Christian Wulff. Wulff alijiuzulu hapo Ijumaa baada ya kuandamwa na madai ya rushwa.Gauck atapaswa kuthibitishwa kushika wadhifa huo na bunge la mabaraza ya majimbo katika kipindi cha wiki chache zijazo.  

DW

Raia wa Yemen wanaamkia katika vituo vya kupigia kura kumchagua rais wao mpya, leo Jumanne.

Wafuasi wa Abd Mansour Hadi katika kampeni

Lakini kila mtu anajua kuwa atakayeshinda ni makamu wa Rais Abd Rabbu Mansour Hadi.

Yeye ni mgombea wa pekee. Hana mpinzani.

Uchaguzi huo unafanyika baada ya mwaka mmoja wa ghasia na maandamano ya kupinga utawala wa Rais Ali Abdullah Saleh.

Kampeni zimekuwa zikiendelea kumuunga mkono makamu wa rais Abd Rabbu Mansour Hadi.

Mshindi wa tuzo ya Nobel raia wa Yemen Bi Tawwakol Karman amewataka raia wote wa Yemen kujitokeza kumuunga mkono Makamu huyo wa Rais, Bwana Hadi.

“Tunawaumba watu wote wa Yemeni wakiwemo vijana wajitokeze hii leo tarehe 21 Februari, sio kuunga mkono uchaguzi peke yake, bali kumuunga mkono Masour Hadi kuwa Rais wa mpito katika kipindi hiki cha mpito”,Bi Karman amesema.

Huku Mshindi huyo wa Tuzo ya Nobel akimpigia debe Bwana Mansour Hadi ghasia zimeanza upya nchini Yemen.

Pia kumeripotiwa mfululizo wa milipuko na mashambulio katika vituo vya kupigia kura na sehemu nyingine

BBC

Msemaji wa jeshi la Nigeria amesema kwamba wanajeshi watatu walijeruhiwa katika

makabiliano hayo ya risasi na kundi la Boko Haram.

Walinda usalama katika mji wa Maiduguri. 

Hata hivyo alikanusha kuwa kuna raia yeyote aliyeuwawa katika kisa hicho.

Lakini wenye maduka katika soko la Baga wamenukuliwa wakisema kuwa wameona maiti zipatazo ishirini hivi zikipakiwa kwenye lori.

Eneo hilo la Maiduguri ni ngombe kuu ya wapiganiaji wa Boko Haram . Na katika miaka ya hivi karibuni sehemu imeshuhudia milipuko kadhaa na ufyatuliananji wa risasi.

Tayari serikali ya rais Goodluck Jonathan imetangaza hali ya hatari katika mji huyo na miji menginea ambayo imeshuhudia mashambulizi toka kwa kundi hilo la Boko Haram.

Lakini wakazi wa miji hiyo wanasema kuwa suluhu ya kijeshi haijafaulu leta mafanikio yeyote

BBC

Moshi.

Zaidi ya magari 200 yanayosafirisha mzigo kupitia mpaka wa Holili juzi yamekwama kwa zaidi ya masaa tisa baada ya mpaka waTanzanianaKenyakufungwa kwa muda.

Kufungwa kwa mpaka huo na wananchi kulikoshuhudiwa na mamlaka za kisheria baina ya nchi hizo mbili kulifuatia hatua ya serikali yaTanzaniakutoza kiasi cha dola mia mbili kwa kila mfanyabaishara anayeingia nchini na kufanya biashara zake katika masoko ya mpakani.

Star tv ilifika katika enohilona kushuhudia msururu mkubwa wa magari ukiwa katika eneo mpaka huku baadhi ya raia wa nchiniKenyawakisema walilazimika kufunga mpaka huo kwa madai ya kuchoshwa na mabadiliko ya sheria ya mara kwa mara.

Hali hii iliathiri pia mamlaka ya mapato nchini TRA ambapo kaimu afisa wa TRA katika kituo cha Holili Bwana Jihadhari Mbegu alikiri kuchelewa kwa upakiai na upakuaji wa mizigo.

Mkuu wa wilaya Bwana Peter Toima ambaye alilazimika kufika katika eneohiloalisema sheria iko wazi juu ya ushuru wa dola mia mbili na kuwataka wafanyabishara kutokaKenyakuheshimu sheria husika.

Safari za magari hayo zilirejea katika hali ya kawaida baadaye majira ya saa tisa unusu hivi baada ya wakuu wa idara za uhamiaji zaKenyanaTanzaniakujadiliana kwa muda na kufikiana muafaka.

Mwisho.

Musoma. 

Viongozi wa vyama vya siasa mkoani Mara wametangaza kufanya maandamano endapo serikali itashindwa kumwajibisha Mkurugenzi wa Halmashauri ya Wilaya ya Musoma mkoani Mara kutokana na Mzabuni aliyepewa kazi ya kusafirisha mahindi ya msaada kushindwa kuyafikisha kwa wananchi wanaokabiliwa na njaa wilayani humo.

Viongozi hao kutoka vyama vya DP, CHADEMA, CUF na APPT Maendeleo walisema endapo ndani ya siku 14 mzabuni huyo atashindwa kusambaza chakula hicho kwenye kata 34 za Wilaya hiyo wataitisha maandamano ya kuwataka viongozi wa halmashauri hiyo wajiuzulu.

Wakizungumza baada ya kumaliza kikao chao cha pamoja, viongozi hao walisema tangu serikali itoe tani zaidi ya tani 5,000 za mahindi mwezi Mei mwaka jana, Halmashauri hiyo chini ya Mkurugenzi wake walitoa zabuni kwa mtu mmoja ambaye hadi sasa hajamaliza kusafirisha chakula hicho huku Mzabuni huyo akiwa amelipwa zaidi ya shilingi milioni 600 zilizotolewa na Serikali kwa ajili ya kusafirishia chakula hicho.

Katibu wa Chama cha Wananchi CUF Bwana Jumanne Magafu na Mwenyekiti wa Mkoa wa APPT Maendeleo Mkoa wa Mara Bwana Kasore Maheja walisema viongozi wa siasa hawawezi kuvumilia hali hiyo ambayo imewalazimu wananchi wa wilaya hiyo kula mboga za majani na wadudu aina ya kumbikumbi ili kunusuru maisha yao.

Mwenyekiti wa Vijana wa CHADEMA Mkoa wa Mara Bwana David Katikilo na Mwenyekiti wa DP Mkoa wa Mara Bwana Chrisant Nyakitita walieleza kushangazwa na viongozi wa kuchaguliwa kushindwa kuchukua hatua zozote hadi sasa jambo linaloonyesha wazi kuwa wanalinda maovu katika halmashauri hiyo.

Kuanzia mwezi mei mwaka jana, Serikali kuu kwa awamu tofauti ilitoa mgao wa tani 5,500 za mahindi ya msaada na kuidhinisha zaidi ya shilingi milioni  800 kwa ajili ya kusafirisha chakula hicho kutoka ghala la Taifa mkoani Shinyanga lakini hadi sasa nusu ya mahindi hayo bado hayajafikishwa kwa wananchi.

Mwisho.